«Рухани жаңғыру»: жас ақын Бауыржан Игілікпен кездесу

31 қазан күні А.С. Пушкин атындағы облыстық кітапхананың оқырмандары Шығыстың танымал жас ақыны Бауыржан Игілікпен кездесті. Кеш «Рухани жаңғыру» бағдарламасы және Жастар жылына арналған іс-шаралар жоспары аясында, кітапхананың «Әдеби-hab» жобасы негізінде ұйымдастырылды.

Қалалық, облыстық, республикалық жыр мүшәйралары мен айтыстардың жүлдегері, республикалық өнер фестивальдарының лауреаты. «Абай әлемі» фестивалінің Гран-При жеңімпазы, алтын төсбелгі иегері, 1990 жылы. Ел тәуелсіздігінің жиырма жылдығына орай төсбелгімен марапатталған Бауыржан 1990 жылы 4 тамызда ШҚО, Тарбағатай ауданы, Ақсуат ауылында дүниеге келген.

Семей қаласындағы жалпы білім беретін №42 орта мектепті бітіріп, Семей мемлекеттік педагогикалық институтының қазақ филологиясы факультетінде жоғарғы білім алды. Ақынмен кездесуге поэзия мен әдебиет сүйер жастар келді. Кездесуде белгілі жас ақын жастармен еркін сұхбат жасап, өлеңдерін оқып, шығармашылық жолындағы естеліктерімен бөлісті. Жастар қызықты сауалдар қойып, ақын өлеңдерін жатқа оқыды.

Гүлнұр Зұлқаршын, білім орталығының қызметкері: Өлкемізге танымал адамдармен кездесу жастарды әдеби шығармашылыққа, өзіндік жобаларын жүзеге асыруға шабыттандырады. Бауыржанның өлеңдерінде өмір, еркіндік, жанға әсер ететін, адамды бей-жай қалдырмайтын өзіндік пікірі мен тұжырымдары бар.

Поделиться материалом
Яндекс.Метрика
Copyright © 2007-2019
10253358